U Eliserio, Ang Misteryo ng Katana 1 ANG MISTERYO NG KATANA Kabanata 1

135 Pages·2016·0.51 MB·Tagalog

by  Matthew Eliserio

U Eliserio, Ang Misteryo ng Katana

ANG MISTERYO NG KATANA*

Kabanata 1

"Lalabasan ng kanin?"
"Lalabasan ng kanin."
Bumuga ng usok si John. "Lalabasan ng kanin."
"Lalabasan ng kanin." Umubo si Loli. "Pakipatay nga 'yan."
Kinindatan s'ya ni John. "Para sa 'yo, baby, kahit ano." Ibinato n'ya ang kalahating
Marlboro sa basurahan. "Medyo wirdo rin ang nanay mo, 'no?"
Umirap si Loli. "Di nanay ko, Mama ko.'Yun ang tawag ko kay Lola." Umuusok
ang basurahan. Masusunog ang tambayan dahil kay John. "Makinig ka nga."
"Pasensya po," sabi ni John, sabay akbay sa kanya. Kiniliti nito ang kanyang
tiyan. "Lola mo nga pala. Di na wirdo, matanda lang. Sugat, lalabasan ng kanin."
Tumawa ito. "Ganun talaga ang mga matanda, puro pamahiin."
"Panakot lang sa akin. Para di ako malikot."
"Syempre matanda, konserbatibo. Takbo ka siguro nang takbo nun. Maharot."
Kinurot n'ya ang tiyan ni John. "Hanggang ngayon!"
Tawa lang ito nang tawa.

* Unang nalathala ang Kabanata 1 bilang "Talaan ng mga Nilalaman," sa Laglag-Panty, Laglag-Brief,
inedit nina Rolando Tolentino et al (Mandaluyong: Anvil, 2011). Unang nalathala ang bahagi ng Kabanata
11 bilang "Pabalat," sa Transfiksyon, inedit nina Rolando Tolentino at Rommel Rodriguez (QC: UP Press,
2014).

1
U Eliserio, Ang Misteryo ng Katana

Gusto ni Loli si John. Gustong-gusto. Dahil sa tawa nito. Dahil tawa lang nang
tawa ang lalake. At dahil nababasa s'ya nito, kahit madalas di s'ya pinakikinggan. Mahal
na nga yata n'ya.
"Eto na ulit ang alarm." Tinapik-tapik ni John ang kanyang iPhone. "Pa'no, baby,
punta na 'kong klase. Bukas ha?" Kumindat itong muli.
Bukas? A, oo. "Bukas." Tumango si Loli. "Di ba sabi ko naman sa 'yo, maghintay
ka lang? Bukas mapapatunayan mo, sulit ang lahat."
"Alam ko na 'yon, 'no ka ba?" Hinalikan s'ya nito sa noo. "Babay."
Pinanood ni Loli ang pag-alis nito, matambok ang mga pigi sa ilalim ng maong na
pantalon. Nang makapasok na ito sa loob ng Faculty Center, bumaling si Loli sa
basurahan. Umaapoy na ito. Hinalughog n'ya ang tambayan ng Story Circle. Nakatagpo
s'ya ng librong walang cover. Binasa n'ya ang unang pangungusap nito. Dugo sa Bukang
Liwayway. Alam n'ya, kakatapos lang n'ya nito kagabi. Kanino kayang kopya
ito?Pinampagpag n'ya ang nobela sa lumalaking apoy. Napuwing s'ya. Napatay n'ya ang
apoy.
Pagkatapos magpakabumbero, umupo s'yang muli sa loob ng tambayan. Pinanood
n'ya ang mga langgam na gumagapang sa mga upuan nitong kawayan. Langgam o anay?
Langgam siguro, wala namang anay na itim. Tumingin s'ya sa kanyang relo. Alas kwatro
y media na. Talagang ininjan na s'ya ng kanyang orgmates. Buti na lang sinamahan s'ya
ni John. Nagpa-late ito para sa kanya. Mahal daw kasi s'ya. Nilabas ni Loli ang kanyang
3210. Sabi ni John, s'ya raw ang huling tao sa Pilipinas na may ganitong model ng
selepono. Tinext ni Loli ang VP ng Story Circle. Minura n'ya ito. Pinanood n'ya ang
LCD, hanggang lumabas ang Check Balance. Alam n'yang wala s'yang load. Gusto lang

2
U Eliserio, Ang Misteryo ng Katana

n'ya ang pakiramdam na pagkukunwari. Bastos talaga ang VP nila, ito ang nagsabing
may meeting ngayon. Dapat talaga hindi na s'ya sumali sa org. Si John kasi e, pinilit pa
s'ya. Para daw „di lang s'ya sa bahay laging tumatambay.
Sabihin n‟ya kaya kay John ang text sa kanya ni Ma‟am Anna? Ano kaya ang
magiging reaksyon nito? Nasabi na noon ni John, ayaw n'ya sa mohawk nitong buhok.
Kinuha ni Loli ang kanyang backpack at tumingin muli sa relo. May sumundot sa
ilong n'ya. Tumingin s'yang muli sa basurahan. May apoy muli, mas malaki na. Nakita
n'yang nasusunog ang Dugo sa Bukang Liwayway. Buti nga.
Umalis na s'ya.
Mula sa tambayan dumaan s'ya sa sari-sari store sa tapat ng FC. Bumili s'ya ng
Chippy at Pepsi. Magkapatid yata ang dalawang tindera. Makapal ang mga kilay, halos
kasinlaki ng mga mata. Makapal ang mga labi, kaya siguro nakasimangot lagi,
masyadong mabigat ngumiti. Tumuloy si Loli papuntang Oval. Muntik na s'yang
masagasaan sa pagtawid, tuloy-tuloy kasi ang pagkain at pag-inom n'ya. Pulang
Volkswagen ulit, tulad kahapon. Deja vu. Ang paminsan-minsang mahika sa kanyang
buhay, ikamamatay pa n'ya.
Hindi s'ya sa sidewalk naglakad, kasi walang sidewalk. Pinabungkal ito ng
Admin, pagagandahin daw kasi. Pero parang DPWH, pagkatapos magbungkal, iniwan
lang itong nakatiwangwang. University of the Philippines nga. Natural talaga sa mga
Filipino ang katamaran, ang kawalang-pakialam. Kalahati na ng Pepsi ang ubos. Marami
pang Chippy. Kahit kailan di talaga s'ya natutong magbalanse. Okay lang. May tindahan
sa kanto. Bibili ulit s'ya ng softdrinks. Coke naman.

3
U Eliserio, Ang Misteryo ng Katana

Kasabay n'ya sa paglalakad ang mga nag-eehersisyo. Mga jogger, tsaka
nagbibisikleta. Meron ding naglalakad. Ang alam n'ya, merong PE na Walking. Para
naman kailangan pang pag-aralan ang paglalakad. Ritwal n'ya ito, unang taon pa lang
n'ya sa kolehiyo, bago pa man magkaroon ng joggers' lane sa Oval. Si John lang ang
nakakadistorbo ng skejul n'ya. Meron din pala itong kakulangan. Nababalanse ba ng
pagiging palatawa ang panggugulo ng ritwal?
May naglalakad na magsyota sa harap ni Loli. Kilala na n'ya ang dalawang ito,
nitong Hunyo pa n'ya pinagmamasdan. Sa pakikinig n'ya sa mga usapan nila, nalaman
n'yang sa Oval sila nagkakilala. Nagkabanggaan isang beses sa jogging, at 'yun na nga.
Ngayong hapon nalaman ni Loli na sa susunod na linggo ang monthsary nila.
Monthsary. Gustong dumura ni Loli. Nilagok n'ya ang kanyang Pepsi. Nakakadiri
talaga ang mga madrama. Akala mo sa TV nabubuhay. Hindi tulad nila ni John, matino
ang usapan. Walang kabaduyan. Pag binigyan s'ya nito ng regalo, syempre masaya s'ya.
Pero di n'ya ginagawan ng altar, tulad ng ginagawa ni Elaine. Ang VP ng Story Circle,
akala mo kung sinong intelektwal, pero may shrine ng bawat sulat, card, stuffed toy,
nabunot na buhok, pati putol na kuko ng boyfriend nito. Ex-boyfriend nito. Mula sa high
school. Para raw „yun sa Ate nito, para maloko ang Ate nito. Maloko sa?Isang beses nag-
-meeting ang Story Circle sa bahay nina Elaine. Nakilala n‟ya ang Ate nito. Duling, pero
matalas ang mga mata.
Si Loli, pag binibigyan s'ya ng regalo ni John, sa susunod na linggo binibigyan
n'ya ng kapalit. Pag namilit itong manlibre, s'ya ang susunod na taya. Hindi pwedeng
walang galing sa kanya. Ano s'ya, binibili?Katulad bukas, sa wakas magse-sex na sila ni
John. Tama na'ng blowjob-blowjob, cunni-cunnilingus. Di naman talaga mahalaga sa

4
U Eliserio, Ang Misteryo ng Katana

kanyang ang virginity-virgnity. Dinelay lang n'ya kasi masakit daw sabi ni Elaine. Pero
desidido na s'ya. Ang kapalit ng sex ay sex, hindi regalo. Hindi s'ya puta.
Lumayo s'ya sa magsyota. Sayang, baduy sila. Gusto ni Loli pareho ang hitsura
nila. Payat ang lalake, balbasarado. Ang babae, malaki ang mga buto. Maputi, at mahaba
ang kulot na buhok. Tsinita rin ito, at tamang-tama ang laki ng mga suso.
Dumighay si Loli. Ubos na n'ya ang Pepsi. Ibinigay n'ya ito sa nakasalubong
n'yang batang lansangan. Hiningi ng bata pati ang Chippy ni Loli. Dumakot s'ya at
ibinigay ang natira. Ayaw na ayaw n'yang nagbibigay. Lahat dapat may kapalit. Pero
nakakatakot ang bata. Kalbo ito, puro galis ang ulo. At may sugat pa sa gitna ng palad.
Parang mata. "Lalabas ang kanin d'yan," sabi ni Loli, sabay binilisan ang lakad. Sumabay
s'ya sa paglalakad ng magsyota, na magkahawak ang kamay at pagiray-giray. Mga
walang hiya, hindi man lang nila subukang itago ang kajologan nila.
Pagdating sa kanto, bumili s'ya ng Coke at Chippy. Habang hinihintay ang
kanyang sukli, pinanood n'ya pa rin ang magsyota. Bubuksan na n'ya ang Coke nang
makita n'yang bumagsak ang lalaki.
Tumakbo si Loli papunta sa kanila.
"Miss, sukli mo o!"
Lumuhod s'ya sa tapat ng lalaking nakahiga sa daan. Magkahawak pa rin ng
kamay ang magsyota. Kinakantahan ng babae ang lalake. Nabaliw na yata.
Isinaksak ni Loli ang Coke at Chippy sa kanyang backpack. "Miss, Miss, anong
nangyari?"Nakita n'yang dumudugo ang tiyan ng lalake.
Pinapaligiran na sila ng tao. Kanta lang nang kanta ang babae.

5
U Eliserio, Ang Misteryo ng Katana

Pinulsuhan ni Loli ang lalake. "Taxi, kumuha kayo ng taxi!" sigaw n'ya.
Hinawakan n'ya ang balikat ng babae. "Isa?Ikaw si Isa di ba?"Niyugyog n'ya ang balikat
nito. "Isa!"Alam n'ya pati pangalan ng dalawa. Ang duguan sa daan ay si Totoy. Kung di
lang ito mukhang nasaksak, matatawa si Loli. Lagi s'yang natatawa pag iniisip ang
pangalan ni Totoy. "Isabel, anong nangyari?"
Buong pangalan pala ang kailangan para magbalik ang tino nito. "Nasaksak,
nasaksak si Totoy!"
Kinagat ni Loli ang kanyang labi. Nakita n'yang dumating ang taxi. "Halika,
halika," sabi n'ya kay Isa. "Dalhin mo s'ya sa Infirmary."Infirmatay. Pero National
Kidney na yata ang pinakamalapit na ospital, at matrapik ngayong Byernes. Binuhat ng
dalawang manininda si Totoy. Binuksan ni Loli ang pinto sa tabi ng drayber. "Pasok, Isa,
pasok."Nakahiga na sa likod si Totoy.
"Sama, sama ka."Hindi pala ito singkit.
Tumango si Loli, at tumabi kay Totoy.
Sa Infirmary, hinarang sila ng guard dahil wala silang suot na ID. Idiniin ni Loli
ang kamay n'ya sa tiyan ni Totoy. Malagkit ito, di na pula kundi kulay biko. "Eto, etong
ID ko."
Dumating ang mga nars at doktor. Pinaghintay sila sa corridor na tae ang
pagkakadilaw ng pintura.
Sumipol si Loli. Nakatingin lang sa pinto si Isa. Inilabas ni Loli ang kanyang
Coke at Chippy. Inalok n'ya ang kasama.
Kumuha ito ng isang pirasong Chippy. "Sa may tapat ng Music kami hinoldap.
Sinabayan kami sa pag-ikot nung mama. Hanggang umabot kami sa tapat ng FC. Dun

6
U Eliserio, Ang Misteryo ng Katana

n'ya sinaksak si Totoy. Maglakad lang daw kami. Maglakad lang, kundi pati ako
sasaksakin. Naglakad lang kami. May, ano ba 'yun, 'yung bantay?May SSB sa may
Music. Pati sa FC. Tingin ako nang tingin sa kanila. Tiningnan lang din nila ako."
Tinungga ni Loli ang Coke. "Di ka talaga pwedeng umasa sa ibang tao. Walang
tutulong sa'yo kundi ikaw."
"Di kaya. Ikaw kaya, tinulungan mo ako." Kumuha ulit ito ng Chippy.
"Pakialamero lang talaga ako."
"Miss?"
"Hmm?"
"Ano pong pangalan n'yo?"
"Po?"Tumawa si Loli. "Loli. Loli po."
Niyakap s'ya nito. "Mabait ka. Mabuti. Matulungin. Lahat ng ma pwera sa
masama."Hinalikan s'ya nito sa pisngi. "Tsaka nga pala, Theresa ang pangalan ko. Pero
ikaw, ikaw at ikaw lang, pwede mo 'kong tawaging Isabel."
Bumili ulit ng Coke at Chippy sa labas ng Infirmary. Tatlong lata at limang
Chippy ang naubos nila ni Isabel bago lumabas ang doktor. Ligtas si Totoy, mabuti na
lang nadala nila agad. Hinalikan s'yang muli sa pisngi ni Isabel.
"Iwan na kita?" sabi ni Loli. "Papasukin mo na s'ya, di ba?"
"A, oo, oo."Isa pangyakap. "Salamat, salamat. Kunin ko number mo, please. Para
mapasalamatan kita."
Nilabas ni Loli ang kanyang 3210. Patay ito. "Dead batt, sandali lang."

7
U Eliserio, Ang Misteryo ng Katana

Habang kumukuha si Loli ng papel at ballpen nagsalita si Isa. "Dapat
makikipagbreak na ako ngayon, alam mo? Ayoko na sa kanya, nagbago na s'ya. Matagal
ko nang ayaw, nahirapan lang akong makipagkalas. Siguro kasi, s'ya ang first time ko."
Imbes na dos, tres ang huling isinulat na number ni Loli. Wala s'yang problema
kay Isa, ayaw lang talaga n'ya sa madrama. Ayaw n'yang itext pa s'ya nito. Nagkamayan
sila bago maghiwalay.
Mula sa Infirmatay, kumaliwa si Loli papuntang San Vicente. Dinaanan n'ya ang
mga matong nagbabasketball, mga mag-asawang nagbabatuhan ng plato, mga batang
walang damit, at mga lalakeng naglalaba sa kalsada. Sa may gate inilabas n'ya ang
kanyang key chain, at tulad ng nangyayari araw-araw, di n'ya malaman kung aling susi
ang para sa kung aling lock. Dalawa kasi ang lock sa unang gate. Sa ikalawang gate, isa
lang. May dalawang lock ulit sa may pinto ng bahay. Sa loob, gising pa si Sergio. "Ay
sorry, wala akong pasalubong!" Niyakap na lang ni Loli ang kanyang alaga. "Si Marimar,
tulog na?"
Sisipol-sipol si Loli habang binuksan ang ilaw ng sala. Magkasama sila ni Sergio
na pumunta sa kusina. Pinagbuksan n'ya ito ng delata. Ang bahay na ito, ang dalawang
aso, at ang pera sa bangko ang mga minana ni Loli sa kanyang mga magulang limang
taon na ang nakakaraan nang mamatay sila sa isang aksidente sa Baguio. Sa burol n'ya
nakilala si John, na "alaga" ng kanyang baklang Tito Sergio (sa kanya nakapangalan ang
aso). Bwisit na bwisit si Loli kasi naghanda ng pancit ang kanyang Mama. Gusto n'yang
itaob ang mga mesa ng sakla. Narinig ni John na nakikipag-usap s'ya sa kanyang sarili, at
tinulungan s'ya nitong itapon sa estero ang tatlong bandehadong pancit. Doon sila naging
magkaibigan.

8
U Eliserio, Ang Misteryo ng Katana

Iniwan ni Loli sa kusina si Sergio, na hindi na s'ya pinansin pagkasimulang
kumain. Sa sala, binuksan n'ya ang computer at nag-Internet. Isang oras s'yang naglaro ng
World of Warcraft. Nang antukin, inisip n'yang umorder ng McDo. Pero inaantok s'ya,
hindi nagugutom, kaya nag-Google na lang s'ya ng mga lalake't babaeng hubad.
Pagkatapos magsalsal, nagbihis s'ya sa second floor, saka bumaba muli sa sala para
matulog sa sofa. Nakalimutan n'yang patayin ang computer.
Ginising s'ya ng kahol ni Sergio. Habang nagmumuta, tiningnan n'ya ang oras sa
computer. Saktong alas dos na ng hapon. "Tulog pa rin si Marimar?" Tahol lang nang
tahol si Sergio.
Binuksan ni Loli ang pinto. Nakita n'yang nasa ikalawang gate na si John.
Binigyan n'ya ito ng kopya ng dalawang susi para sa lock ng unang gate. Tanda ng
kanyang pagtitiwala. Pero hindi pa ito handa para sa mga susi ng ikalawang gate at ng
pinto. Pinagbuksan n'ya ito.
"May dala kang lunch?"
"Chippy?"
"May Coke?"
"Seven Up."
"Ligo tayo."
Madalas silang maligo nang sabay. Gusto ni Loli na sinasabon ang likod ni John.
Pag good mood ito, pumapayag ang lalakeng dila-dilaan ang pwet ni Loli. Masarap 'yon,
nakakakiliti. Minsan nga lang humahapdi, pag ganun, nahihirapan s'yang umupo
pagkatapos.

9
U Eliserio, Ang Misteryo ng Katana

Saktong alas kwatro y media, ayon sa computer, nang matapos sila't
makapagbihis. "Ano?" sabi ni Loli, "game ka na?"
"Ngayon na?"
"Gusto mo mamaya pa?"
"Alas otso, ganun?Para may intimacy?"
"Sige." Umupo si Loli sa tapat ng computer. "Dala mo laptop mo? Laro tayo."
"A, ayos na 'yung wi-fi?"
"Kahapon. Uy, nasaan na 'yung Chippy?"
Limang oras silang naglaro. Nagpahinga muna ng mga mata si Loli bago sila
mag-sex. Okey naman, hindi masakit. Sinungaling talaga si Elaine. Masarap din naman.
Kung gusto ni John, pwede nilang gawing ritwal. Pang-weekend.
"Pwede kong buksan 'tong lampshade? Tapon ko lang 'tong condom."
"Sige, sige." May naramdamang tumutulo si Loli sa may hita n'ya. "Uy, nabutas
ba?Tingnan mo nga."
Binuksan ni John ang lampshade. "Wala naman."
"Dumudugo siguro ako. Sandali lang."Bumangon si Loli at lumabas ng kwarto.
"Tingnan ko lang sa banyo."
"Tulungan kita."
"Kaya ko na."
Sa banyo, sinalat-salat n'ya ang kanyang puke. Malagkit ito. Inilapit n'ya ang
kanyang mga darili sa kanyang mukha. May mukhang ube sa kanyang hinlalato. Ubeng
brown. Champorado. Kanin. Kaning nahaluan ng dugo.

10