Солҳо ва одамони наҷиб. (аз дафтари хотира). (Interesting times and interesting people)

2012·91 MB·Tajik

by  Zoirov, Muhiddin

5-а

Муҳидцин Зоиров
СОЛҲО
ВА ОДАМОНИ
НАҶИБ
ББК 72.3+84 тоҷик 7-4+4
3-48
Муҳиддин Зоиров.
Солҳо ва одамони наҷиб. (аз дафтари
хотира). - Душанбе, «Шуҷоиён», 2012,292 саҳ.
Муҳаррирон: АбдувалӣДавронов,
Тиллои Нещадам,
Мавчуда Саидова
ISBN978-99947-69-31-5
© Муҳиддин Зоиров,2012
«Дар таърихи ташаккули ҳар як
Халқу Миллат бузургоне ҳастанд, ки
номи онҳо дар ҳеҷ давру замен аз
хотири мардум фаромӯш намешавад»
Эмомалӣ Раҳмон
Бахши аввал
Д ар масири
зиндагй
. --и
Ба хонандаи азиз!
Бо хоҳиши ёру рафиқон ва дӯстону аъзои хонадони
онҳо, баъзе Кумитаҳои тадорукот, ҳамчунин бо дархости
ҳайати мушовараи бархе аз рӯзномаву маҷаллаҳо, тӯли
солҳои гуногун силсилаи мақола, хотираҳои ҷавонӣ ва
даврони кору фаъолиятамро рӯи коғаз овардам. Ман
хоҳиши онҳоро ба эҳтироми шахсияташон рад карда
натавонистам ва ба навиштан розй шудам. Чунки ҳар яки
ин инсонҳои арзанда, қаҳрамонони меҳнат ва фидокорони
зиндагии навро медонистам, онҳоро аз наздик
мешинохтам ва бо аксарашон солҳои сол, иахдӯ ба паҳлӯ
кору фаъолият доштам. Ман боз як чизро қайд карданй
ҳастам, ки дар бораи ин шахсони намоён, одамони
обрӯманду арзандаи кишварамон, ҳамчунон ки гуфтам, бо
илтимоси ёру дӯстон, баъзе кумитаҳои тадорукот ва
хоҳиши аъзои оилаи онҳо навиштам. Ман ба фаъолияти
пурсамари ҳар яки ин шахсиятҳо ба ҳеҷ ваҷҳ баҳо доданй
нестам, танҳо таассуротамро аз солҳои ҷавонӣ ва
хотираҳои ҳамкорй баён кардам. Ин гайриимкон аст, ки
ба фаъолияти ҳар яки онҳо баҳо бидиҳй ва чунин икдом
кори осон ҳам нест, масъулият металабад. Ман фақат чизе
медонистам ва дар фаъолияти кориам омӯхтаму дидам,
ҳаминро навиштам. Ба фикрам, хонандагони мӯҳтарам
хонда, худашон ба фаъолияти ҳар яки онҳо дар солҳои
гуногун баҳо медиҳанд.
Ногуфта намонад, ки хизматҳои арзандаи ин шахсони
бузург дар саҳифаҳои таърихи Ватани азизамон абадӣ
хоҳад монд.
Ман нависанда не, мутахассиси хоҷагии қишлоқ
ҳастам ва ин китобе, ки ҳоло дар даст доред, шояд порае
аз муҳаббати ман ба замини файзбори кишварам, обу
хоки он, шахсиятҳои бузург ва мардуми меҳнатқарини
Тоҷикистон бошад. Хурсанд ва шоду фирӯз мешудам,
агар ин пораҳои парокандаи меҳри ман ба сифати ёддошт
6 Муҳиддин Зоиров
ва андӯхтаҳо замини хотираву замири дили софи Шумо -
хонандаи азизро шодоб гардонад.
Хонандаи азиз, инак китоби хотираҳои май дар бораи
зиндагинома ва фаъолияти як силсила арбобони
давлативу ҷамъиятӣ, шахсони майдони меҳнат ва
корнамоиҳои онҳо ба охир расид. Пешорӯи шумо
чеҳраҳои арзандаи арсаи кор ва симоҳои воқеии
музаффари онҳо ба ҷилва омаданд. То ҷое тавонистам,
шаммае ҳам бошад, аз рӯзгори қобили ибрати онон, аз
ҳамкориву ҳамназарӣ дар рохд сохтмони ҷомеаи
Тоҷикистони азиз нақл кардам. Бале, хотира ва андӯхтаҳо
аз онон ибратбахшанд ва мешавад, ки наели имрӯза -
ҷавонони Тоҷикистон сабақе аз он бардоранд ва баҳравар
шаванд. Ин таҷрибаи зиндагист. Таҷрибаи зиндагӣ
бошад, бузургтарин устод аст. Беҳуда нест, ки ҳанӯз
Рӯдакии бузург фармуда буд:
Ҳар кӣ н-омӯхт аз гузашти рӯзгор,
Низ н-омӯзад зи ҳеҷ омӯзгор.
Ман ба синни мубораки 80 қадам мондам. Имрӯзҳо
дар партави сиёсати сарвари мамлакатамон, мӯҳтарам
Эмомалӣ Раҳмон давлати пирӣ ва дар оила бо фарзандону
набера1 он ва дар ҷамъият дар иҳотаи инсонҳои бузург ва
созандагони даврони нав зиндагии хушу хуррам дорам.
Бо истифода аз фурсат лозим мешуморам, ки
хотираҳоямро боз дар бораи шахсони бузурги Тоҷикистон
ва устодони соҳаҳои гуногуни хоҷагии халқи мамлакат,
қаҳрамонони арсаи меҳнат ва кишоварзони забардаст
хизматҳои шоёни ходимони давлатӣ ва ҷамъиягӣ дар роҳи
сохтмони давлати соҳибистиқлол, Худо хоҳад, ният
дорам, дар оянда аз дафтари хотираҳоям нависам.
Бо тҳтиром Муҳиддин Зоиров
ш. Душанбе, моҳи апрели соли 2011