Ko Tautoro, Te pito o Tōku Ao: A Ngāpuhi Narrative

195 Pages·2015·1.06 MB·English

by  Hōne Sadler

Ko Tautoro, Te Pito o Tōku Ao
A Ngāpuhi Narrative
Hōne Sadler
First published 2014
Auckland University Press
University of Auckland
Private Bag 92019
Auckland 1142
New Zealand
www.press.auckland.ac.nz
© Hōne Sadler, 2014
ISBN 978 1 86940 814 5
eISBN 978 1 77558 715 6
Publication is assisted by
A catalogue record for this book is available from the
National Library of New Zealand
This book is copyright. Apart from fair dealing for the purpose
of private study, research, criticism or review, as permitted under
the Copyright Act, no part may be reproduced by any process
without prior permission of the publisher. The moral rights
of the author have been asserted.
Cover design: Johnson Witehira
The author would like to thank Distinguished Professor Dame Anne Salmond,
Professor Margaret Mutu, Callum Manu Minto Mackinnon and Johnny Rosie
for their help in reading, caring for and editing this book.
Rārangi Kōrero
Kupu Hakataki 8
Ko ngā Karakia 20
Te Rongo Wawe o ngā Kerēme o Te Paparahi o Te Raki 28
Ko te Ao o Ngāpuhi, Tōna Mana Whenua ki Tāmaki Makaurau 32
Te Ingoa o Ngāpuhi 42
Ngā Hakapapa 48
Ngā Atua 50
Te Ao Mārama 60
Kupe te Tupuna 66
Nukutawhiti te Tupuna 76
Rāhiri te Tupuna 84
Tāwakehāunga te Tupuna 98
Hōne Heke Pōkaia: ‘Kāore te Kī Patu te Makere Noa i te Ngutu’ 102
Te Kiripūte te Tupuna 114
Iraia Kūao 120
Ngā Wāhine Rangatira 140
Tapu, Ihi, Wehi, Mana 142
Mātauranga 146
Ko te Hakapapa: He Taonga o te Tātari 152
He Hakarāpopoto 158
Ko ngā Kōrero Matua i He Wakaputanga me Te Tiriti 170
Kupu Hakamārama 174
Hakapapa 176
Kāhui Pukapuka 194
Contents
Introduction 9
The Incantations 21
The Early Hearings of Te Paparahi o Te Raki 29
The Ngāpuhi World View, Mana Whenua in Auckland 33
The Name of Ngāpuhi 43
The Genealogies 49
The Deities 51
The World of Enlightenment 61
Kupe the Ancestor 66
Nukutawhiti the Ancestor 77
Rāhiri the Eponymous Ancestor 85
Tāwakehāunga the Ancestor 99
Hōne Heke Pōkaia: ‘How Oft Bitter Words Fall Needlessly from the Lips’ 103
Te Kiripūte the Ancestor 115
Iraia Kūao 121
Noble Women 141
The Sacred, The Charisma, The Awe, The Authority 143
Epistemology 147
Hakapapa: A Tool of Analysis 153
Conclusion 159
Key Terms that Appear in He Wakaputanga and Te Tiriti 171
Glossary 174
Genealogies 176
Bibliography 194
KUPU HAKATAKI
Ko Ngāpuhi te iwi nui katoa o te motu. I ngā Tatauranga o te tau 2013 i meatia
ko te rahi o Ngāpuhi ko te 125,601. Tēnei iwi i noho ki te raki o Te Ika-a-Māui
mai i tōna taenga ki ēnei rohe i Hawaiki. Erangi ko tōna whare nui e kīa nei
mai i Tāmaki ki Te Rerenga Wairua, ko Te Whare o Puhi, ko Ngāpuhi-nui-
tonu tēnei. Ko ngā pātū o te whare ko Te Aupōuri, ko Te Rarawa, ko Ngāti
Kahu, ko Ngāti Whātua, ko te tuanui ko Ngāpuhi. Ko tōna rohe pōtae i ēnei
rā e hōrapa ana i roto i Te Whare Tapu o Ngāpuhi. Mea nei te pehapeha i
hakataukītia ai, i mōteateatia ai ō mātou mātua, tūpuna:
Ko Te Whare Tapu o Ngāpuhi he mea hanga. Ko Papatūānuku e takoto nei
ko te paparahi, ko Ranginui-e-tū-iho-nei te tuanui. Ko ōna maunga ko ngā
poupou o te whare:
Pūhangatohorā titiro ki Te Ramaroa
Te Ramaroa titiro ki Whiria, ki te paiaka o te riri, ko te kawa o Rāhiri
Whiria titiro ki Panguru, ki Papata, ki ngā rākau tūpatapata kei te hau-ā-uru
Panguru Papata titiro ki Maungataniwha
Maungataniwha titiro ki Tokerau
Tokerau titiro ki Rākaumangamanga
Rākaumangamanga titiro ki Manaia ki te ākau o Whangārei-te-terenga-parāoa
Manaia titiro ki Tūtāmoe
Tūtāmoe titiro ki Maunganui
Taiāwhio tō titiro mai i Maunganui ki Pūhangatohorā
Koia tēnei ko Te Whare Tapu o Ngāpuhi.
8
INTRODUCTION
Ngāpuhi is the largest iwi in New Zealand. In the 2013 Census Ngāpuhi was
noted to have a population of 125,601. This iwi has occupied the mid-northern
portion of the North Island from the time of its arrival from Hawaiki. However
its greater house is said to be from Tāmaki in the south to Te Rerenga Wairua in
the north, The House of Puhi. The walls of the house are Te Aupōuri, Te Rarawa,
Ngāti Kahu and Ngāti Whātua and the crown of the house is Ngāpuhi – that is,
Ngāpuhi-nui-tonu. Its boundaries are now within the construct of The Sacred
House of Ngāpuhi. Here follows the boundaries intoned and immortalised by
our ancestors:
The Sacred House of Ngāpuhi is predicated upon Papatūānuku as the
foundation, Ranginui as the overarching crown. Its mountains are the pillars
of the house:
Pūhangatohorā [Ōtaua] look towards Te Ramaroa [Whirinaki]
Te Ramaroa look to Whiria [Pākanae], the seat of contention of the progeny of
Rāhiri
Whiria look towards Panguru and Papata at the windswept trees in the west
Panguru Papata look towards Maungataniwha [Mangamuka]
Maungataniwha look towards Tokerau [Te Tī Mangonui]
Tokerau look to Rākaumangamanga [Te Rāwhiti]
Rākaumangamanga look to Manaia on the shores of Whangārei Harbour
Manaia look to Tūtāmoe [Mangakāhia Valley]
Tūtāmoe look to Maunganui [Bluff]
You have completed your journey by looking from Maunganui to Pūhangatohorā
This indeed is The Sacred House of Ngāpuhi.
9
kupu hakataki
Ko ngā rārangi kōrero kei raro iho nei e pūtake ana i runga i te pūrongo o
te kaituhi i tukuna ki mua i te aroaro o te Taraipiunara o Waitangi mō Ngā
Tono Kerēme o te WAI 1040 o Te Paparahi o Te Raki, ki te noho tuatahi o
ngā kerēme ki Waitangi i ngā marama o Tētahi Wehewehe me Tahi-a-Pipiri
2010. Ko tēnei noho i hangaia i runga i te kī o Ngāpuhi kīhai ōna tūpuna i tuku
i ō rātou mana ki a wai kē rāini, te karauna rāini, i te hainatanga o Te Tiriti o
Waitangi.
He motuhake nei tēnei kerēme nā te mea kāhore e tirohia ana ngā hē o te
Karauna i raru ai a Ngāpuhi. Erangi, ko te tirohanga hōhonu te take i riro ki te
Karauna tōna mana hei hakaara kāwanatanga ki Nū Tīreni. I tino pōhēhē te
Karauna mō ngā tau 170 koni atu, ki tōna hakapae i tukuna e ngā rangatira o
Ngāpuhi ō rātou mana ki te Karauna i tō rātou hainatanga i te Tiriti o Waitangi.
Nā tēnei hakapae me āna hakawhara kei te ngako o te kerēme tuatahi o
Ngāpuhi.
He hakahīhī nā te Karauna ka aru tonu me te tiaki tonu i tēnei hakapae,
hāunga te kaha me te nui o ngā hakaaturanga e hakahē ana i te hakapae i
tukuna ki mua i te aroaro o te Taraipiunara e ngā tohunga kaikōrero o
Ngāpuhi i tohungia kia hakatakoto i te kaupapa mō āna rongo kerēme tuatahi.
Atia tēnei, kore rawa te Karauna e hakaae kīhai ngā rangatira o Ngāpuhi i
tuku i tō rātou mana i te hainatanga o Te Tiriti o Waitangi. He pōhauhau te
hakaae i tukuna e ngā tūpuna ō rātou mana nā te mea i te wā o te hainatanga
o Te Tiriti ko ngā tatauranga mō ngā Māori katoa koni atu i te 500,000, ā, ko
tā ngā Pākehā katoa e noho ana ki Nū Tīreni, he waimārie mēnā ko koni atu
i te 2,000. Kia mārama ai, i hainatia Te Wakaputanga o Te Rangatiratanga
o Nū Tīreni e rima tau i mua i te hainatanga o Te Tiriti o Waitangi i te 28
Tūmatareia 1835. I konei i hakaaturia e ngā rangatira o Te Wakaminenga i tō
rātou rangatiratanga ki te ao, he whenua motuhake a Nū Tīreni. Me pēhea rā
ka tika te hakapae o te Karauna. Kia hakamārama tua ake mā te raupapatanga
o te hakapapa, e kitea ai te whanaungatanga ki waenganui i ēnei kawenata
10