jezuche koxtt ani amchi soddvonn

127 Pages·2014·1.21 MB·Slovenian

JEZUCHE KOXTT
ANI
AMCHI SODDVONN
(Khursachi Vatt Ani Nimannea Brestarak Povitr Hor)

Borovpi:
Myron Jeson Barreto ani Soccoro Rebello
1
“Nihil Obstat”
Sd/- Pri. Simião Fernandes
‘Censor Deputatus’
Patriarchal Seminary
Rachol, Goa.
06/01/2012

CP/1439/2012
‘Imprimatur’
Pri. Jose remedies Fernandes
Vicar General
Archbishop’s House, Panjim, Goa
08/01/2012

Cover Chitarpi: Myron Jeson Barreto

Poili Avrut’ti: 2012

Uzvaddavpi: CHONDR-PROKAX

Mol: 50/-
2
ORPONN
Hem pustok ami amchea Avoy-Bapayk bhettoytanv. Ho tanchea borea
vauracho foll. Tancheach adaran ami amchea jivitache panvdde choddot
asanv. Devan tancher subham axirvadd ghalun tankam kuddi otmeachi
bholaiki favo korunk amchim magnnim.

Kalliz tumchem mogachem,
Teaga–koxttanim vinnlolem.
Niallun boreponn avoy–bapaychem,
Din’vaxi kallzant bhettoytanv pustok amchem.
3
Dhin’vaxi Kalliz Uloita……
“Mhozo Otmo Sorvesporak vakhannta, Deva mhojea Taroka khatir mhozo
jiv murgott’ta! Mhoje khatir vhodd-vhodd vostu keleo Tannem: Sorvbollixtt To,
Povitr Nanv Tachem! Tachi bhokti kortoleank pavta pinddkeche pinddkent Tachi
doia”
“Jezuche Koxtt ani Amchi Soddvon”, hem pustok uzvaddak yeunk
zaiteancho vaur, koxtt ani vell asa. Ami tanche chodd abhari ani ami tanche upkar
atthoytanv. Poile suvater ami Devak dhin’vastanv, Tannech dil’lem ginean ani
borovpacho gunn vapddun hi pustika ami toyar kelea. Ami upkari amchea Govlli
Bap Filipe Neri Ferrão hanche, hi pustika chapunk man’neotay dil’lea khatir. Pri.
Simiao Fernandes hanche ami chodd upkari, tannem amchea pustikacho
borpavollichi bariksannen topasnni kelea ani apleo moladik suchovnneo amkam
dileat, dekhun taka ami dhinvastanv.
Teach porim Siminarist Anthony Carvalho ani Agustine Alfonso, hannim
bariksannen utranchi topasnni korunk adar dilo, tankam amche dhin’vas. Amche
dhin’vas Pri. Tomas Lobo hanka, hea pustikachi prostanvna dil’lea khatir. Amche
dhin’vas Pri. Mariano Goes Proenca, Pri. Joseph Estrocio ani Pri. Ashley
Alphonso, aplo moladik ani ut’tejon ditolo sondex tannim amkam dilo. Amche
dhin’vas Thomas …………….chapkhanneant.
Devan Aplo bhorpur axirvad tumcher ghalcho ani tumkam sabar denneanim
bhorchim.

4
PROSTAVNA
Bhag. Agustin oxem mhonntalo: “Where there is love there is no pain, and if pain
there is, it is a pain that is loved” mhonnge, zhoim mog asa thoim dukh na, ani dukh
aslear, tem mogan vhel’lem dukh. Amchea Soddvonddar Jezu Kristan amchea moga
pasot dukhacho bhar vhelo ani khursachi vatt tankun ani teach khursacher Apleak vopun
diun, Tacho mog amche sovem kitlo vhodd ani mhatmik tem amkam dakhoun dilem.
Aplea Bapachea mogan ravun ani amam mon’xanchea taronna pasot, Jezun
koxttam-dukhincher, sorv vaittacher ani mornnacher zoit vhorun punorjivontponnacho
mukutt zoddlo. Bhag Juanv hea Devachea mogachea guttacho amkam thav dita:
“Khorench, Tacher bhavarth thevta tea dor-eka mon’xacho nas zaina zaunk punn taka
Sasnnik Jivit mellche khatir, Devan Aplea ekleach Putak dilo: itlo Tannem sonvsaracho
mog kelo! Kiteak sonvsaracher khastichem formonn marunk nhoy, punn Puta vorvim
sonvsarachem taronn zaunche khatir Devan Putak sonvsarant dhaddlo.” (Ju 3, 16-17)
Jezuchea Paskanchea guttant, mhonnge, Tachea koxttam-mornna-
punorjivontponnachea guttant liplolo Devacho mog niallun zaite bhagevont jiyelet ani
bhagevontponnacho mukutt zoddunk pavlet. Aplea koxttam-upodream modem tannim
Devacho oprimit mog onnbhovlo ani khuris ek kheast nhoy punn Devachea mogachi zhor
mhonn tannim dakhoun dilem. Hea sobar vir-bhoktam modem asat Bhagivont Pio,
Assizicho Bhagevont Francis, Avilachi Bhagevont Tereza, Ballka Jezuchi bhagevont
Tereza, Khursacho Bhagevont Juanv, adi.
Apleak dil’lo borovpacho gunn vaprun, Siminarist Myron Jeson Barreto ani
Socorro Rebello- hannim sangata yevun ‘JEZUCHE KOXTT ANI AMCHI
SODDVONN’- hem Jezuchea koxttancher ani Nimannea Brestarak vaprunk upeogak
poddtolea Povitr Hor-ancher adarlolem pustok toyar kelam. Adhunik kallar lagu zatolea
veg-vegllea vixoyancher tharun hea pustokachim panam tannim guntleant. Tankam
amchi un-unit porbim! Tanchea hea sangatan mellun kel’lea vavracho foll zaiteank
pavtolo- hi amchi itsa ani khatri. Hea pustokacho boro upeog zaun zaiteank Jezuchea
taronnik Paskanchea guttant bhitor sorunk ani bhagivontponnacho marog tankunk
adaracho zauncho ani tanche udexim Devachea xim’-mer naslolea mogacho dom’dom’
soglleak pavcho.

Pri. Tomas Lobo
Povitr Kuttumbachi firgoz
Alto-Porvorim, Gõy 403521
5
Son’dex…
“JEZUCHE KOXTT ANI AMCHI SODDVONN” ho ek vhodd magnneank
adar koso diunk amcheam tornatteam Siminarist bhavank dislem. Hem amkam soglleank,
familink, somudayank ani Igorjent vavurtoleank tumchea vavrachem vhodd molachem
dennem. Khuxalkayen ami tem mandun gheteleanv ani sodanch tumcho ugddas
kortoleanv.
Porbim tumkam Siminarist Myron Jeson Barreto ani Soccoro Rebello. Tumchea
xikpant, vavrant ani munniarponnant zaito tumkam ies anvddetanv.
Soglli Kristi porza Prachit Kallant bhitor sortoch ek kherit atmik novsornni korunk
vavurtat ani dekhun zaiteam jinsamchim magnnim ani teag korunk vavurtat. Khursachi
vatt zaum kuttumbamnim, somudaiamnim vo vaddeamnim, kopelamnim ani Igorzamnim
choloitanv tednam ek bori Pustika vinchun kaddtanv. Hi Pustika soglleank boreantlo boro
sangat zatolo ani tachi kholayen borea niallamnim bhorleli dekhun soglleamnim tacho
boro vapor korcho mhonn amchi vinonti.
Jezu sangata amchi monis YATRA fuddem vhorunk amkam adar kel’lea khatir
ami tumkam dhin’vaxi. Dev borem korum ani Devacho axirvad tumcher asum.

Pri. Mariano Goes Proença
St. Alex Church
Curtorim, Salcete

6
Son’dex…
Xrixtti khatir bhettoylolea hea Gonvllik vorsant Devache rochnnecher adarlolea
Devachea Utracho, Utpotichea pustokachea bhagacho ugddas korun gheum-ia, “Devan
mon’xak Aplea sarkeacho rochlo……”
Mhonntoch Devachem asnnem dor eka mon’xant asa mhunn thavem zata! Punn
aple subherbayek lagun monis Devache vatte-velo pois gelo ani porot porot pois
vochpache tallnnent poddta. Oslea vellar mon’xan Deva-xim portun yeunchi goroz asa.
Dor ek Prachit kall hench korunk amkam huskaita. Tor hea Prachit kallant hench
korunk Siminarist Myron Jeson Barreto-n ani Soccoro Rebello-n uzvaddak hadleli hi
pustika, “JEZUCHE KOXTT ANI AMCHI SODDVONN” amkam adarachi zaunk
xokta.
Bariksannen ani mon lavun he pustikentlea khursachea vattancho ami sohokar
ghetlo zalear, amchea jivitantle veg vegllea bhagamnim ami novsornni haddunk
pavtoleanv. Dev, Tachi rochnna, ani amche eka-meka modle som’bond odik ghott korunk
ani Jezun dakhoyl’lea margar cholun Devachea Rajeachim bhagidaram zaunk hi pustika
amkam fattboll dita.
Ti amkam khoreanich adarachi zaunche khatir donuch vostu korunk vaurum-ia:
He pustikecher aslelea Khursache vattent ani Povitr Horant bhoktiponnim vantto gheun
boro niall korum-ia ani dusre suvater toch niall ani Khursachi vatt ami amchea jivitant
jiyeunk gom’bhirponnim nichev korum-ia.
Bhoktivont Juze Vaz, amchea Dhormprantachea askarean hem korunk amkam apli
mozot favo korchi!

Pri. Joseph Estrocio
Seminary Niwas
Duler, Mapusa
7
Son’dex…
“Paile pondak dhampun dovrunk konnuch ponntti laina; ghorant astea
soglleank ticho uzvadd poddunk, ti eka peddar dovortat. Tech porim tumcheo boreo
kornneo polleun sorgar astea tumchea Bapak mon’xanim vakhannche khatir, tumcho
uzvadd tanche mukhar porzollum-di.” (Mt 5, 15-16)

Bapak vakhann’ni, Siminarist Myron Jeson Barreto ani Siminarist Soccoro
Rebello hanche passot. Devan dil’lea borovpachea gunnacho uzvadd aiz te tanchea hea
“JEZUCHE KOXTT ANI AMCHI SODDVONN” pustokantlean, porzollaytat. Hem
pustok zaun asa tanchea khol niallachem foll.

Ixttamno, amchea Bautizmantlean ami sogllim Jezuchim pattlavdaram. Amchea
veg-vegllea apovnneantlean hea Jezucho ami pattlav kortanv. Amchem apovnnem ami
jiyetanv tednam soglleank amkam veg-veglle koxtt astat, veg-veglleo amcheo osoktayo
astat. Amchean amchech ostongim heam amcheam koxttank ani osoktayank fuddo
korunk zaina, DEVACHEA ADARACHI amkam goroz zaich poddta.

Hem pustok amkam adar, amchea jivitacho dor ek bhag Jezuk ubharunk, Tacheam
koxttancher niall korunk ani Jezu borobor, Tache khursache vattentlean, amche
soddvonnechi vatt cholunk. Hem pustok anik ek bhag amcheam dolleam mukhar dovorta
to mhonnlear, Bapacho mog, Tachem boll, Jezuk ghottay dita Tachea mornnank fuddo
korunk. Hea pustokantlean hoch Bapa ani Jezu modem aslolo som’bond ani sangat ami
onnbhovum-ia.

Mogall Myron ani Socorro, amcho prachit kall odik orthabhorit korunk, hem
pustok tumi uzvaddit kel’lean, tumkam anik ek pavtt amchi hun-hunit porbi ani xabaski.
Jezuchea molleant vavrunk, tumche akarnnent, tumcher Devacho bhoropur axirvad
magtam.

Pri. Ashley Alphonso
Seminary Niwas
Duler, Mapusa

8
SUCHIPOTR

1. Xrixtticher adarloli khursachi vatt
Vixoy: Xrixtticho Samball Korum-ia, Amcher Yetole Sonkoxtt Vattavum-ia.

2. Doyallea kornneancher adarloli khursachi vatt
Vixoy: Jivitant Boreo Kornneo Korun, Amchea Soddvonnddarak
Vakhannum-ia.

3. Pordvarant sampoddlole ostorecher adarloli khursachi vatt
Vixoy: Ami Patki Saiba, Amchi Kaklut Kor.

4. Mariechea jivitacher adarloli khursachi vatt
Vixoy: Borim Totvam Apnnaun Amchem jivit Boreponnachi Zhor
Korunk Vavrum-ia.

5. Devachea Utracher adarloli khursachi vatt
Vixoy: Jezuchi Xikvonn Amchea Jivitant Jiyeun, Bhagivontponnacho
Mukutt Zoddun Gheum-ia.

6. Zakevacher adarloli khursachi vatt
Vixoy: Amchem Patki Soimb Ollkhun Gheum-ia, Novea Jivitak Veng
Marum-ia.

7. Nimannea Sukrarak Khursachi vatt
Vixoy: Jezuchea Moga Pasot Ek Borem Jivit Jiyeunk Vaurum-ia.

8. Nimannea Brestarak Povitr Sonskara mukhar ordem hor
Vixoy: “Koxtt Sõstoleano Mhojexim Yeyat Ani Hanv Tumkam Somadhan
Kortolom.”

Vixoy: Bhagiam Jivitant Jiyeun, Sorginchem Raj Zoddun Gheum-ia.

Vixoy: Dev Amche Lagim Uloyta, Devacho Ulo Aikum-ia.

9. Nimannea Brestarak Povitr Sonskara mukhar Povitr hor
Vixoy: Misa Bolidanachea Bollan, Sevechem Mon Apnnaum-ia, Devachea
ani Bhavam-bhoinnichea Mogan Vaddum-ia.

9
XRIXTTICHER ADARLOLI KHURSACHI VATT

Vixoy: Xrixtticho Samball Korum-ia, Amcher Yetole Sonkoxtt
Vattavum-ia.

Survatechim Utram:
Getsemani mhonnlelea molleant Jezu Aplea xisam borobor gelo ani tankam
mhonnlem: “Ho- thõy vochun Hanv magnnem kori-sor tumi hanga bosat.” Ani tankam
thõy soddun ani matso fuddem vochun dhornir sorpottun Aple veli hi ghoddi zata zalear
pois vochum di mhonn magtalo.
Jezuchea jivitachim panam ami uspilear, Jezu zaite pavtti eksure suvater vochun
Aplea Bapak magnnem korta, Aplea Bapa lagim uloyta, ogeponnim Aplo vell aplea Bapa
sangata sarta. Oxem amkam mellta.
Xrixtti zaun asa Devachea mogachi rochnna. Devan mon’xa khatir ti rochlea.
Mon’xak ticher doniponn dilam. Xrixttiche xant-xitoll vatavoronnant Devachem asnnem
amkam mellta. Jezun Xrixtticho vapor korun Devachea Rajache gutt amkam ugddape
kele. Dekhun xrixtti velean zaitem xikunk ami pavtanv oxem mhonnlear chukichem
zaunchem nam.
Aiz monis tech xrixtticho durupyog korun, xrixttichem rup bodlun, xrixttichi
sobitay vibaddun, vhodd chukh korta ani apleacheruch moronn haddta. Je toren ami
xrixtti sovem vagtanv tech toren xrixtti amchea kornneacho zobab amkam dita.
Ami amche xrixtticho kitlo mog kortanv kai? Xrixtticho samball korunk ami
vavurtanv kai? Aiz xrixtti roddta, nhoy aplech khatir punn odik korun amche khatir.
Xrixttik amchi chodd goroz na punn amkam xrixttichi chodd goroz asa. Hench ami he
khursache vattent niallteleanv. Xitaben ani ugtea monan he khursache vattent vantto
gheum-ia.

POILEM STHAN: Jezucher mornnachem formonn martat.

Fuddari: Pornipatt ani nomoskar kortanv Tuka Somia Jezu Krista.
Sogllim: Kiteak Tujea Povitr khursa vorvim soddoylo mhonn sogllo sonvsar.

Devachem Utor: Mt 27, 22-24
Pilatan Jezuk tanche fuddem vhelo ani mhonnlem: “Krist mhonntat tea Jezuk
hanvem kitem korchem?” Soglleamnim zobab dilo: “Taka khursar marcho”. Punn
Pilatan mhonnlem: “Tor kiteak? Tannem kitem vaitt kelam?” Punn te odik vhoddlean
bob marunk lagle: “Taka khursar marcho” Tednam aplem kainch cholonam, punn
10